హైదరాబాద్: నెక్లెస్‌రోడ్‌లో కైట్ ఫెస్టివల్ సందడిగా జరుగుతోంది. తల్లిదండ్రులు తమ పిల్లలతో వచ్చి గాలిపటాలను ఎగురవేయిస్తున్నారు. పీపుల్స్‌ ప్లాజాలో జరిగిన వేడుకల్లో మంత్రి తలసాని శ్రీనివాస్‌యాదవ్‌ పాల్గొన్నారు. ఆయన పతంగులు ఎగురవేసి సందడి చేశారు. ఈ సందర్భంగా మంత్రి మాట్లాడుతూ..
'చిన్నతనంలో సంక్రాంతి పండుగ వచ్చిందంటే 3 నెలల ముందు నుంచే పతంగి సంబురాలు జరిగేవి. ఇప్పుడు కాలక్రమేణా వేడుకలు చేసుకోవడం తగ్గిపోయింది. ఇప్పుడు స్నేహితులతో కలిసి ఇక్కడికి వచ్చి ఇలా పతంగులు ఎగురవేస్తూ సందడి చేయడం చాలా బాగుంది. ప్రజలందరూ ఆయురారోగ్యాలతో సంతోషంగా జీవించాలి' అని ఆకాంక్షించారు.
