నవతెలంగాణ-హైదరాబాద్ : ఆథ్యాత్మిక గురువు ఆశారాం బాపూకు గాంధీనగర్ లోని సెషన్స్ కోర్టు జీవిత ఖైదును విధించింది. తన ఆశ్రమంలో శిష్యురాలిగా ఉన్న మహిళను నిర్బంధించి 2001 నుంచి 2006 మధ్య పలుమార్లు లైంగికదాడి చేశారనే కేసులో ఆయనకు కోర్టు ఈ జీవిత ఖైదును ఖరారు చేసింది. ఆశారాంపై సూరత్ కు చెందిన ఒక మహిళ లైంగికదాడి ఆరోపణలు చేసింది. దీనిపై 2013లో ఆశారాంతో పాటు మరో ఏడుగురిపై పోలీసులు కేసు నమోదు చేశారు. మరో లైంగికదాడి కేసులో కూడా దోషిగా తేలిన ఆశారాం బాపూ ప్రస్తుతం రాజస్థాన్ లోని జోధ్ పూర్ జైల్లో ఉన్నారు.