ఊపిరి పీల్చి వదిలేసిన గాలి
మనిషి ప్రాణాధారం
నడిచిన కైవారం బాటలో ఆశ
అనంత మలుపుల తిరిగే ద్వారం

అనుభవం నేర్పినదే జీవితం
చలన చరణాల స్వేద సేద్యంలో

సేదదీరిన చెట్టు నీడనుంది మన ప్రాణం
పొలం పాటల చెమట
వాసనైంది బువ్వ నేల

అనుభవాలు నేసిందే బతుకు మగ్గంలో, పగ్గంలో ముప్పురుల తాడు చేదోడు

అనుభవం ఎంత చేదైతే
అంతగా వాడిదేరు జీవితం
అనుభవాలు తీయని
వెచ్చనివైన బతుకుసీమ
పచ్చని కళాత్మక వేర్లు
అనుభవాలు అల్లినదే జీవితం

అనుభవం పంచిన జీవితం
ఆత్మీయతలో గొప్ప మానవీయత

అనుభవం గాయాల పొక్కిలైతే
రాయని గేయాల ఔషధమే జీవితం
అనుభవం విత్తిందే అమేయ జీవం

ఆనుభవం పేర్చిన సారం ఒండ్రునేల
కప్పుకున్న ఆకుపచ్చ పొలం వస్త్రం
హదయ వైశాల్యం గొప్పదైనచో
ఎగిరే విహంగ నయనమౌ జీవితం

అద్దంలో చిత్రమైనది వర్ణం తేజం
బంధాలు పూచినదే ప్రబంధ జీవితం
అనుభవైక సాగర జీవితం
పడి లేచే అలల జీవన సౌందర్యం

- డా.టి.రాధాకష్ణమాచార్యులు
9849305871