- కేంద్ర మంత్రి కిషన్‌రెడ్డి
నవతెలంగాణ- బంజారాహిల్స్‌
చిత్తశుద్ధితో ప్రయత్నిస్తే ఏ రంగంలోనైనా అద్భుత విజయాలను సాధించవచ్చునని కేంద్రమంత్రి కిషన్‌ రెడ్డి అన్నారు. ఆదివారం జూబ్లీహిల్స్‌లోని దసపల్ల హౌటల్లో ఆర్‌వీఆర్‌ ప్రో సంస్థ పదో వార్షికోత్సవ వేడుకలకు ఆయన అతిథిగా హాజరై మాట్లాడారు. జీవితంలోనే కీలక ఘట్టమైన వివాహ వేడుకను అద్భుతంగా చిత్రీకరించి తీపి గుర్తుగా తీర్చిదిద్దుతున్న ఆర్‌వీఆర్‌ సంస్థ నిర్వాహకురాలు కష్ణ ప్రియ ఎంతో మందికి ఆదర్శమని అన్నారు. విదేశంలో మంచి ఉద్యోగాన్ని వదులుకొని స్వదేశానికి వచ్చి ప్రత్యక్షం గా పరోక్షంగా 400 మందికి పైగా ఉద్యోగ అవకాశాలు కల్పించడం అభినందనీయమన్నారు. తన తల్లిదండ్రుల ప్రోత్సాహంతో ప్రారంభించిన సంస్థకు భర్త, అత్తింటి వారి సహకారం, నిపుణులైన ఉద్యోగుల చేయుత అందించడంతో ఎంతో మందికి తమ సేవలను అందిస్తున్నట్లు కృష్ణప్రియ తెలిపారు. అనంతరం సంస్థలో ఉత్తమ ప్రతిభ కనబరిచిన ఉద్యోగులను కిషన్‌ రెడ్డి సన్మానించి మెమొంటోలను అందజేశారు. ఈ కార్యక్రమంలో ఆర్‌వీఆర్‌ చౌదరి, మాజీ ఎమ్మెల్యే చింతల రామచంద్రారెడ్డి తదిత రులు పాల్గొన్నారు.
