- డిగ్రీ కళాశాల ప్రిన్సిపాల్‌ డాక్టర్‌ బి శ్రీనివాస్‌...
నవతెలంగాణ-మణుగూరు
విజ్ఞానం ద్వారా ప్రపంచాన్ని జయించవచ్చని ప్రభుత్వ డిగ్రీ కళాశాల ప్రిన్సిపాల్‌ డాక్టర్‌ బి.శ్రీనివాస్‌ అన్నారు. కళాశాల జాతీయ సేవా పథకం (ఎన్‌ఎస్‌ఎస్‌) ప్రత్యేకంగా ఏర్పాటు చేసిన అంబేద్కర్‌ వర్ధంతి కార్యక్రమంలో పాల్గొని మాట్లాడుతూ డాక్టర్‌ బి.ఆర్‌ అంబేద్కర్‌ విజ్ఞానం ద్వారా ప్రపంచాన్ని జయించి యువతకు ఆదర్శంగా నిలబడ్డారని అన్నారు. అన్ని రంగాలలో యువత అభివృద్ధి చెందాలంటే అంబేద్కర్‌ జీవన విధానాన్ని అధ్యయనం చేయాలన్నారు. అంబేద్కర్‌ జీవితంలో ఏ రకంగా ఆటంకాలను ఎదుర్కొన్నాడో తెలుసుకోవాలని, అంబేద్కర్‌ ద్వారా స్ఫూర్తి పొంది విజయాలు నమోదు చేయాలని అన్నారు. అందరికీ అభివృద్ధి ఫలాలు అందాలనే సంకల్పాన్ని ముందుకు తీసుకెళ్లడానికి యువత కషి చేయాలని కోరారు. ఈ కార్యక్రమంలో ప్రభుత్వ డిగ్రీ కళాశాల మణుగూరు అధ్యాపకులు అనిల్‌ కుమార్‌, మహ్మద్‌ కరీం, డాక్టర్‌ రమేష్‌ బాబు, రామ తిరుపతి, పి.భాస్కర్‌ రావు, సాంబమూర్తి, అశోక్‌, నాగిరెడ్డి, జబ్బార్‌, కారం శిరీష, సతీష్‌, స్రవంతి, సువర్ణ, విద్యార్థిని, విద్యార్థులు, తదితరులు పాల్గొన్నారు.
