నవతెలంగాణ - మహబూబ్‌నగర్‌
జన విజ్ఞాన వేదిక మహబూబ్‌ నగర్‌ జిల్లా కమిటీ ఆధ్వర్యంలో శనివారం చెకుముకి సైన్స్‌ సంబరాలు గోడ పత్రికను డీఈఓ కార్యాలయంలో జిల్లా విద్యాశాఖ అధికారి రవీందర్‌ ఆవిష్కరించారు. ఈ సంవత్సరం ప్రభుత్వ, ప్రైవేటు ఉన్నత పాఠశాలల్లోని తెలుగు, ఇంగ్లీష్‌ మీడియాలలో చెకుముకి సైన్స్‌ సంబరాలు నిర్వహించనున్నట్లు జెవీవీ మహబూబ్‌నగర్‌ జిల్లా అధ్యక్షుడు బి. అశోక్‌ గౌడ్‌ వెల్లడించారు. పరీక్ష నిర్వహణ కు సంబంధించి పాఠశాల స్థాయి ఈ నెల18న, మండల స్థాయి ఈ నెల 22న , జిల్లా స్థాయి ఈనెల 27న , రాష్ట్రస్థాయిలో డిసెంబర్‌ 9 , 10 , 11 తేదీల్లో నిర్వహించ నున్నట్లు ఆయన వెల్లడించారు . ఇంగ్లీష్‌, తెలుగు మీడియాలకు చెందిన 8వ,9వ, 10వ తరగతుల విద్యార్థులు అధిక సంఖ్యలో ఈ పరీక్షలో పాల్గొనేటట్లు ప్రోత్సహించాలని మండల విద్యాధికారులు, ప్రధానోపా ధ్యా యులు, ఉపాధ్యాయులు, విద్యార్థులను వారు కోరారు. ఈ కార్యక్రమంలో జెవివి ఉపాధ్యక్షులు ప్రహ్లాద రెడ్డి, కార్యదర్శి వెంకటస్వామి, సభ్యులు తిరుమలేష్‌, విల్సన్‌ తదితరులు పాల్గొన్నారు.