నవతెలంగాణ-జహీరాబాద్‌
జహీరాబాద్‌ పట్టణంలోని శ్రామిక్‌ విజ్ఞాన కేంద్రం ఆధ్వర్యంలో నిర్వహిస్తున్న పిల్లల పండుగ పోస్టర్‌ను గురువారం ఆవిష్కరించారు. ఈ సందర్భంగా ఏర్పాటు చేసిన కార్యక్ర మంలో బి.రామచందర్‌ ముఖ్య అతిథిగా పాల్గొని మాట్లాడారు. ప్రతీ ఆదివారం తమ సంస్థ ఆధ్వర్యంలో నిర్వహి స్తున్న ఆటల పోటీల్లో ఎంతోమంది విద్యార్థులు పాల్గొనడం ఆనందంగా ఉంద న్నారు. ఈ పోటీల్లో పాల్గొన్న విద్యార్థులందరికీ ధ్రువీకరణ పత్రాలతో పాటు బహుమతులు కూడా ప్రదాన చేస్తున్నామన్నారు. పిల్లల పండుగ కన్వీనర్‌ డాక్టర్‌.విజయలక్ష్మి, ప్రైవేట్‌ విద్యా సంస్థల మేనేజ్మెంట్స్‌ అసోసియేషన్‌ అధ్యక్షులు కృష్ణ రెడ్డి, శ్రామిక్‌ విజ్ఞాన కేంద్రం మేనేజింగ్‌ ట్రస్టీ బి.రాంచందర్‌, సెక్రె టరీ డాక్టర్‌.శివబాబు, కోశాధికారి ఎస్‌.మహిపాల్‌, ఇతర ప్రముఖులు చంద్రారెడ్డి, చంద్ర శేఖర్‌, వెంకటేశం, ప్రతాప్‌, వశిష్టా రెడ్డి,అశోక్‌ సిరిసి, తిరుపతి, ఎస్తేర్‌ రాణి ఉన్నారు.
