- మునుగోడుతోనే కాంగ్రెస్‌ మునిగిపోయింది
- డీసీసీబీచైర్మెన్‌ గొంగిడి మహేందర్‌ రెడ్డి
నవతెలంగాణ -యాదగిరిగుట్ట
రాజకీయ అవగాహన లేకుండా కొంతమంది కాంగ్రెస్‌ నాయకులుపిచ్చిపిచ్చిగా మాట్లాడుతున్నారని రాబోయే రోజుల్లో ఆలేరులో కాంగ్రెస్‌కు సినిమా చూపిస్తానని డీసీసీబీచైర్మెన్‌ గొంగిడి మహేందర్‌ రెడ్డి అన్నారు.శుక్రవారం పట్టణంలోని గొంగిడి నిలయంలో విలేకరులతో మాట్లడూతూ మునుగోడు ఎన్నికలతోనే కాంగ్రెస్‌నిండా మునిగిపోయింది అన్నారు.కొంతమంది కాంగ్రెస్‌ నాయకులు లక్షలు ఇచ్చి టీఆర్‌ఎస్‌లోకి చేర్చుకుంటున్నామని మాట్లాడుతున్నారని అటువంటి కర్మ తమకు పట్టలేదన్నారు.ముందు సీనియర్‌ నాయకులు కాంగ్రెస్‌ను వీడి టీఆర్‌ఎస్‌ లోకి వస్తున్నా పట్టించుకునే నాధుడే లేడని విమర్శించారు. గతంలో చిట్టీలు కట్టకుండా ఏగనామం పెట్టి తప్పించుకున్న వ్యక్తులు తనను విమర్శిస్తే ఊరుకునే ప్రసక్తే లేదని హెచ్చరించారు.ఈ సమావేశంలో మార్కెట్‌ కమిటీ చైర్మన్‌ గడ్డమీది రవీందర్‌ గౌడ్‌ టిఆర్‌ఎస్‌ రాజపేట మండల అధ్యక్షుడు రాజిరెడ్డి,నాయకులు ఆడెపు బాలస్వామి ,కొలుపుల హరినాథ్‌,బింగి ఆంజనేయులు,పల్లె సంతోష్‌ గౌడ్‌ ,పల్లె ప్రవీణ్‌ ,కొండం రాజు ,ఖడ్గం స్వామి మహేందర్‌ గౌడ్‌,తదితరులు పాల్గొన్నారు.
టీఆర్‌ఎస్‌ లో చేరికలు
మండల పరిధిలోని రఘునాధపురం గ్రామానికి చెందిన కాంగ్రెస్‌ పార్టీ సీనియర్‌ నాయకులు కడ్గం పెద్ద వెంకటేశ్‌ ఆధ్వర్యంలో సుమారు 400 మంది కార్యకర్తలు టిఆర్‌ఎస్‌ లో చేరారు పార్టీలు చేరిన వారిని మహేందర్‌ రెడ్డి పార్టీ కండువాలు కప్పి ఆహ్వానించారు పార్టీలో చేరిన గోరింకల సత్యనారాయణ,తోకల శ్రీశైలం ,పుట్టపర్తి మల్లికార్జున్‌ ,బింగి పాండు,పాండు తోక విటల్‌ ,బాల్‌ రాజు,బింగి శివ కూమార్‌ తదితరులు ఉన్నారు.
