నవతెలంగాణ -భువనగిరిరూరల్‌
           ఇటీవల నల్లగొండ జిల్లాకేంద్రంలో నిర్వహించిన రైతు సంఘం రాష్ట్ర రెండవ మహాసభలో యాదాద్రి భువనగిరి జిల్లా భువనగిరి మండలం నమాత్‌పల్లి గ్రామానికి చెందిన మాటూరి బాలరాజు గౌడ్‌ను రాష్ట్ర సహాయ కార్యదర్శిగా ఎన్నుకున్నారు. రాష్ట్ర కమిటీ సభ్యులుగాజిల్లాకు చెందిన మేక అశోక్‌ రెడ్డి, మంగ నరసింహులు, బూరుగు,కృష్ణారెడ్డి, చేరిక అలివే లు ఎన్నికయ్యారు. ఈ సందర్భంగా ఆయన మాట్లాడుతూ జిల్లాలో సాగునీరు తాగునీరు చిన్ననీటి వనరులైన పిల్లాయిపల్లి ,ధర్మారెడ్డి పల్లి, బునాది గాని కాలువ, బస్వాపురం ప్రాజెక్ట్‌ రిజర్వాయర్‌లో భూములు కోల్పోతున్న నిర్వాసితుల సమస్యలపైపోరాటాలు చేస్తామన్నారు. జిల్లాలోని నారాయణపురం చౌటుప్పల్‌ మండలాల పరిధిలోని రైతాంగానికి నక్కల గండి డిండి ఎత్తిపోతల పథకం ద్వారా సాగునీరుకై ఆలేరు నియోజకవర్గంలోని రైతాంగానికి ముఖ్యమంత్రి ఇచ్చిన హామీల కోసం గంధ మల్ల రిజర్వాయర్‌ ప్రాజెక్టుని సాధన కోసం రీజనల్‌ రింగ్‌ రోడ్డులో భూములు కోల్పోతున్న నిర్వాసితుల సమస్యలపై భవిష్యత్తులో ఆందోళన పోరాటాలకు నిర్వహిస్తామని పేర్కొన్నారు.