లక్నో : ఉత్తరప్రదేశ్‌ ఎన్నికలు దగ్గరపడుతుండటంతో ఆయా పార్టీలు తమ అభ్యర్థుల పేర్లను విడుదల చేస్తున్నాయి. అఖిలేష్‌ నేతృత్వంలోని సమాజ్‌వాదీ పార్టీ 56మంది అభ్యర్ధులతో కూడిన మూడవ జాబితాను విడు దల చేసింది. మొత్తం 403అసెంబ్లీ స్థానాలకు ఇప్పటి వరకు 254 స్థానాలకు అభ్యర్థులను ప్రకటించింది. ఇటీవల బీజేపీని వీడి ఎస్పీ కూటమిలో చేరిన ధారా సింగ్‌ చౌహాన్‌ మావులోని ఘోసి నుండి పోటీ చేస్తున్నారు. అయితే ముఖ్యమంత్రి యోగి ఆదిత్యనాథ్‌ పోటీ చేస్తున్న గోరఖ్‌పూర్‌ స్థానానికి ఈ జాబితాలో కూడా ఎస్పీ తమ అభ్యర్థి పేరును ప్రకటించలేదు. లాల్జి వర్మను అంబేద్కర్‌ నగర్‌లోని కథేరి స్థానానికి నామినేట్‌ చేసింది.
మీ స్నేహితులకు రికమెండ్ చెయ్యండి
