- బ్యాడ్మింటన్‌ ప్రపంచ టూర్‌ ఫైనల్స్‌
బాలీ (ఇండోనేషియా) : ప్రపంచ చాంపియన్‌, భారత అగ్ర షట్లర్‌ పి.వి సింధు ప్రపంచ టూర్‌ ఫైనల్స్‌ టోర్నీ సెమీఫైనల్లోకి ప్రవేశించింది. మహిళల సింగిల్స్‌ గ్రూప్‌-ఏలో రెండో విజయం నమోదు చేసిన సింధు సెమీఫైనల్‌ బెర్త్‌ లాంఛనం చేసుకుంది. గురువారం జర్మనీ షట్లర్‌ యోవని లీపై సింధు వరుస గేముల్లో గెలుపొందింది. 21-10, 21-13తో సింధు 31 నిమిషాల్లోనే ముగించింది. నేడు టాప్‌ సీడ్‌ చొచువాంగ్‌ (థారులాండ్‌)తో తలపడనుంది. పురుషుల సింగిల్స్‌లో కిదాంబి శ్రీకాంత్‌ 18-21, 7-21తో, లక్ష్యసేన్‌ 15-21, 14-21తో పరాజయం పాలయ్యారు. లక్ష్యసేన్‌ ఓడినా గ్రూప్‌ నుంచి సెమీస్‌ బెర్త్‌ ఖాయం చేసుకున్నాడు. మెన్స్‌ డబుల్స్‌లో సాత్విక్‌, చిరాగ్‌ జంట ఫిట్‌నెస్‌ సమస్యతో ప్రపంచ టూర్‌ ఫైనల్స్‌కు దూరమయ్యారు. మహిళల డబుల్స్‌లో అశ్విని, సిక్కి రెడ్డి 19-21, 20-22తో పోరాడి ఓడింది.