- ఆసియా కప్‌ మహిళల హాకీ
మస్కట్‌: డిఫెండింగ్‌ ఛాంపియన్‌ భారత మహిళల హాకీజట్టుకు సెమీస్‌లో బ్రేక్‌ పడింది. బుధవారం జరిగిన సెమీఫైనల్‌ పోటీలో భారత్‌ 2-3 గోల్స్‌ తేడాతో దక్షిణ కొరియా చేతిలో పరాజయాన్ని చవిచూసింది. టోర్నమెంట్‌ లీగ్‌ తొలి మ్యాచ్‌లో 9-1తో సింగపూర్‌ను చిత్తు చేసిన భారత్‌ సెమీస్‌లో ఆశించినస్థాయిలో ప్రదర్శన చేయ లేకపోయింది.
మ్యాచ్‌ ప్రారంభమై రెండు క్వార్టర్లు పూర్తయ్యేసరికి 1-0 ఆధిక్యతలో నిలిచిన భారత్‌.. మూడో క్వార్టర్‌లో కొరియాకు ఏకంగా మూడు గోల్స్‌ సమర్పించు కొని 1-3తో వెనుకబడింది. చివరి క్వార్టర్‌లో భారత్‌ స్కోర్‌ను సమం చేసేందుకు ఎంత ప్రయత్నించినా ప్రయోజనం లేకపోయింది.
54వ నిమిషంలో లాల్‌రిమిసిమి ఫీల్డ్‌ గోల్‌ కొట్టడంతో 2-3కు మాత్రమే అంతరం తగ్గింది. జపాన్‌-చైనా జట్ల మధ్య జరిగే రెండో సెమీస్‌ పరాజయ జట్టుతో కాంస్య పతకానికి పోటీపడనుంది.