- సీపీఐ జిల్లా కార్యదర్శి కొరిమి రాజ్‌ కుమార్‌
నవతెలంగాణ-భూపాలపల్లి
అంబేద్కర్‌ ఆశయాలను కొనసాగించాలని ఏఐటీయూసీ డిప్యూటీ జనరల్‌ సెక్రెటరీ, సిపిఐ జిల్లా కార్యదర్శి రాజ్‌కుమార్‌ అన్నారు. మంగళవారం జయశంకర్‌ భూపాలపల్లి జిల్లా కేంద్రంలోని ఏఐటీయూసీ కొమురయ్య భవన్లో అంబేద్కర్‌ 66 వ వర్ధంతిని పురస్కరించుకొని అంబేద్కర్‌ చిత్రపటానికి పూలమాలలు వేసి ఘనం గా నివాళులు అర్పించారు. ఈ సందర్భంగా రాజ్‌కుమార్‌ మాట్లాడుతూ డాక్టర్‌ బాబా సాహెబ్‌ ఆశయాలు నేటి తరానికి ఆదర్శనీయమని అన్నారు. బడుగుల అభివృద్ధికి ఆయన చేసిన కృషి వెలకట్టలేనిదని, భారత రాజ్యాంగాన్ని రాసి అందరి వాడిగా అంబేద్కర్‌ నిలిచాడని అన్నారు. ఈ కార్యక్రమంలో ఏఐటీయూసీ బ్రాంచ్‌ కార్యదర్శి మోటపలుకుల రమేష్‌, ఏఐటీయూసీ నాయకురాలు కొరిమి సుగుణ, మాతంగి రామచందర్‌, సిపిఐ నాయకులు కుడుదుల వెంకటేష్‌,6 ఇంక్లైన్‌ ఫిట్‌ సెక్రటరీ పి శ్రీనివాస్‌ తదితరులు పాల్గొన్నారు.
ఖాదీ మేళను సద్వినియోగం చేసుకోవాలి...
ఖాదీ మేళాను సద్వినియోగం చేసుకోవాలని సిపిఐ జిల్లా కార్యదర్శి కొరిమి రాజ్‌ కుమార్‌ కోరారు. మంగళవారం వావిలాల ఖాదీ గ్రామోద్యోగ ప్రతిష్టన్‌ ఆధ్వ ర్యంలో జయశంకర్‌ భూపాలపల్లి జిల్లా కేంద్రంలోని ఏఐటీయూసీ కొమురయ్య భవన్లో నూతనంగా ఏర్పాటు చేయబడిన ఖాది వస్త్ర మేళను మంగళవారం సిపిఐ జిల్లా కార్యదర్శి కొరిమి రాజ్‌కుమార్‌ ముఖ్య అతిథిగా హాజరై మేళాను ప్రారంభిం చారు. ఈ సందర్భంగా ఆయన మాట్లాడుతూ ఖాదీ వస్త్రములపై 40 శాతం గొప్ప తగ్గింపు ఉందని ఈ ప్రాంత కార్మికులు ఖాది వస్త్రాల మేళాను సద్విని యోగం చేసుకోవాలని కోరారు. సింగరేణి కార్మికులకు క్రెడిట్‌ ద్వారా వస్త్రాలు కొనుక్కునే అవకాశం ఉందని తెలిపారు. ఈ అవకాశంను అందరూ వినియోగిం చుకుని ఖాదీ వస్త్రములు విరివిగా కొనుగోలు చేసి వేలాది నిరుపేద చేతి వత్తి కార్మికులను వారికి పని కల్పించుటకు సహకరించాలని కోరారు. ఈ కార్యక్రమం లో బాబురావు ఇంచార్జ్‌, సంపత్‌ మేనేజర్‌, శీలం రమేష్‌, ఏఐటిసి బ్రాంచ్‌ సెక్రటరీ మోట పలుకుల రమేష్‌, జి శ్రీనివాస్‌, మాతంగి రామచందర్‌, సిద్దయ్య, మాటేటి శ్రీనివాస్‌, పి శ్రీనివాస్‌ తదితరులు పాల్గొన్నారు.
