- ఎంఈఓ గొంది దివాకర్‌
నవతెలంగాణ-గోవిందరావుపేట
రాష్ట్రస్థాయి కళా ఉత్సవంలో మండల విద్యార్థులు అద్భుతమైన ప్రతిభ కనబరిచారని ఎంఈఓ గొంది దివాకర్‌ అన్నారు. బుధవారం మండలంలోని పస్రా జిల్లా పరిషత్‌ ఉన్నత పాఠశాలలో రాష్ట్రస్థాయి కళా ఉత్సవ్‌ హైదరాబాద్ పోటీల్లో ఆర్ట్‌ ఏకో 2డి విభాగంలో ప్రతిభకనబర్చిన విద్యార్థులకు అభినందన కార్యక్రమం నిర్వహించారు. ఈ సందర్భంగా ఎంఈఓ మాట్లాడుతూ హైదరాబాద్లో ఈనెల 6న జరిగిన రాష్ట్రస్థాయి కళా ఉత్సవ్‌ పోటీలలో ములుగు జిల్లా తరఫున ఉత్తమ ప్రతిభ కనబరిచి రాష్ట్రస్థాయిలో బహుమతి సాధించిన పదవ తరగతి విద్యార్థిని మన్విత, తొమ్మిదవ తరగతి విద్యార్థి మనోహర్‌ను, గైడ్‌ టీచర్‌ సంజీవ్‌కి , మరోగైడ్‌ టీచర్‌ భూక్యసకనాయక్‌ను అభినందించారు. ఈకార్యక్రమంలో ఉపాధ్యాయులు సంమేశ్వర్రావు, చంద్రారెడ్డి, నర్సయ్య, బాబుదొర, సమ్మయ్య, కందికరాజు, కనకయ్య, జయశ్రీ, పరిమళ, జయమ్మ, హేమలత, పద్మ, రామరాజు, వెంకటేష్‌ పాల్గొన్నారు.
