నవతెలంగాణ-కాజీపేట
ప్రతి విద్యార్థి స్వయంకృషితో ఉన్నత స్థాయికి ఎదగాలని కార్గిల్‌ వార్‌ గ్రూప్‌ కెప్టెన్‌, ఇండియన్‌ ఎయిర్‌ ఫోర్స్‌ మాజీ పిఆర్‌ఓ జీజే రావు అన్నారు. కాజీపేట మండలం సోమిడిలోని ప్రభుత్వ ఉన్నత బాలుర పాఠశాలలో జీజే రావు 1974లో పదవ తరగతి పూర్తి చేశారు. పాఠశాల పూర్వ విద్యార్థిగా ప్రతి సంవత్సరం పాఠశాలలో పదవ తరగతిలో ఉత్తమ ప్రతిభను కనబరిచి మెరిట్‌ సాధించిన విద్యార్థులకు నగదు పురస్కారాలు అందజేస్తున్నారు. 2019, 20, 21, 22 పదవ తరగతిలో ప్రధమ, ద్వితీయ శ్రేణిలో ఉత్తీర్ణులైన 13 మంది విద్యార్థులకు ప్రధానోపాధ్యాయులు సుధాకర్‌ అధ్యక్షతన శనివారం నగదు పురస్కారాలు పంపిణీ కార్యక్రమం నిర్వహించారు. అనంతరం ఆయన మాట్లాడుతూ పాఠశాల అభివద్ధికి తన వంతు సహాయ సహకారాలు అందిస్తున్నట్లు తెలిపారు. ఎంచుకున్న రంగంలో ఓటమిపాలవుతున్నామని నిరాశ చెందకుండా లక్ష్యసాధన దిశగా ముందుకెళ్లాలన్నారు. ఈ కార్యక్రమంలో జీజే రావు సతీమణి పుష్ప, పూర్వ విద్యార్థులు వెంకటేశ్వరరావు, వీర ప్రకాష్‌, సుధాకర్‌, వీరబాబు, ఉపాధ్యాయులు సమత, అనిత, విద్యావతి, అరుణ, రమణ శ్రీ, రామకష్ణ, జ్యోతిలక్ష్మి, సంధ్య కుమారి తదితరులు పాల్గొన్నారు.