నేడు భారత్-వెస్టిండీస్ నాలుగో టీ20

నవతెలంగాణ - హైదరాబాద్ : హైదరాబాద్‌లోని ఉప్పల్ రాజీవ్ గాంధీ అంతర్జాతీయ స్టేడియంలో బుధవారం రాత్రి 7 గంటలకు భారత్, వెస్టిండీస్ జట్ల మధ్య నాలుగో టీ20 మ్యాచ్ జరగనుంది. ఐదు మ్యాచ్‌ల సిరీస్‌లో ఇప్పటికే 2-1 ఆధిక్యంలో ఉన్న టీమిండియా, ఈ మ్యాచ్ గెలిస్తే సిరీస్‌ను కైవసం చేసుకుంటుంది. ఉప్పల్ స్టేడియంలో సాధారణంగా భారీ స్కోర్లు నమోదవుతాయి, అయితే పిచ్‌ను కొత్తగా మార్చడంతో నేటి మ్యాచ్‌లో పిచ్ ఎలా స్పందిస్తుందనేది ఆసక్తికరంగా మారింది. గత మ్యాచ్‌లలో టాస్, మంచు (డ్యూ) ప్రభావం చూపాయి, ఈ మ్యాచ్‌లో కూడా అవి కీలక పాత్ర పోషించే అవకాశం ఉంది.