ఐజీపీఎల్‌ విజేత గగన్‌‌జీత్‌ కృష్ణ

- ఇన్విటేషనల్‌ గోల్ఫ్ టోర్నమెంట్‌

నవతెలంగాణ-హైదరాబాద్‌ : పంజాబ్‌ ‌రాఫ్టర్స్‌ ‌జీసీ ఆధ్వర్యంలో నిర్వహించిన ఇండియన్‌ ‌గోల్ఫ్‌ ‌ప్రీమియర్‌ ‌లీగ్‌ (ఐజీపీఎల్‌) ‌కృష్ణ ఇన్విటేషనల్‌ ‌టోర్నమెంట్‌ ‌శుక్రవారం ఘనంగా ముగిసింది. మూడు రోజుల పాటు హైదరాబాద్‌ ‌గోల్ఫ్‌ ‌క్లబ్‌‌లో జరిగిన ఈ టోర్నమెంట్‌‌లో నిలకడగా రాణించిన గగన్‌‌జీత్‌ ‌భుల్లార్‌ ‌విజేతగా నిలిచాడు. ఒత్డిడితో కూడిన మూడో రౌండ్లో 5 అండర్‌ 65‌తో రాణించిన గగన్‌‌జీత్‌ భుల్లార్‌ (‌చెన్నై లయన్స్‌ ‌జీసీ) ఓవరాల్‌‌గా 14 అండర్‌ 196తో అగ్రస్థానంలో నిలిచాడు. పంజాబ్‌ ‌రాఫ్టర్స్‌ ‌జీసీ గోల్ఫర్స్‌ ‌కరణ్‌‌దీప్‌ ‌కొచ్చర్‌, సి మునియప్పలు ఓవరాల్‌‌గా 11 అండర్‌ 199‌తో సంయుక్తంగా రెండో స్థానంలో నిలిచారు.