ఎన్నికల సంఘంపై దానం నాగేందర్ తీవ్ర ఆగ్రహం

నవతెలంగాణ - హైదరాబాద్ : ఖైరతాబాద్ ఎమ్మెల్యే దానం నాగేందర్ ఎన్నికల సంఘంపై తీవ్ర ఆరోపణలు చేశారు. దేశవ్యాప్తంగా జరుగుతున్న సర్‌ ప్రక్రియలో తప్పులు జరుగుతున్నాయని, కేవలం ఖైరతాబాద్ నియోజకవర్గంలోనే 81 వేల మందికి సర్‌ నోటీసులు అందాయని ఆయన తెలిపారు. రాజ్యాంగం ఇచ్చిన ఓటు హక్కును కాలరాసే ప్రయత్నం ఎన్నికల సంఘం చేస్తోందని ఆయన విమర్శించారు. ఎన్నికల సంఘం ఒక పార్టీకి అనుబంధంగా పనిచేస్తోందని ఆయన ఆరోపించారు.