అమెరికాలో కాల్పుల కలకలం.. నలుగురు మృతి

నవతెలంగాణ - హైదరాబాద్ : అమెరికాలోని డాలస్‌ నగరంలో హాలోవీన్‌ వేడుకల సందర్భంగా వేర్వేరు ప్రాంతాల్లో కాల్పులు చోటుచేసుకున్నాయి. ఈ ఘటనల్లో నలుగురు మృతిచెందగా, మరో 15 మంది గాయపడ్డారు. ఈ విషయాన్ని డాలస్‌ పోలీస్‌ చీఫ్‌ డేనియల్‌ కమాక్స్‌ వెల్లడించారు. నగరంలోని మూడు ప్రాంతాల్లో కాల్పులు జరిగినట్లు తెలిపారు. ఘటనలకు సంబంధించి పలువురు అనుమానితులను అదుపులోకి తీసుకున్నామని, డీప్‌ ఎలమ్‌ ఘటనతో సంబంధాలపై దర్యాప్తు చేస్తున్నామని పోలీసులు పేర్కొన్నారు.