బాక్సింగ్‌లో సెమీఫైనల్‌కు లవ్లీనా బోర్గోహైన్‌

నవతెలంగాణ - హైదరాబాద్ : ఒలింపిక్ కాంస్య పతక విజేత లవ్లీనా బోర్గోహైన్ 75 కేజీల విభాగంలో సోమవారం జరిగిన క్వార్టర్ ఫైనల్‌లో దక్షిణ కొరియాకు చెందిన సియోంగ్ సుయోన్‌పై విజయం సాధించింది. దీంతో ఆసియా క్రీడల బాక్సింగ్ పోటీలో వరుసగా తన రెండో పతకాన్ని ఖాయం చేసుకుంది. టోర్నమెంట్‌లో తన మొదటి బౌట్‌లోనే పోటీపడిన లవ్లీనా, సియోంగ్‌ను 5-0 తేడాతో ఓడించి చివరి నాలుగు స్థానాలకు దూసుకెళ్లింది. దీంతో ఆమె కాంస్య పతకాన్ని ఖాయం చేసుకుంది.