ఇళయరాజాకు సుప్రీంకోర్టులో ఎదురుదెబ్బ

నవతెలంగాణ - హైదరాబాద్ : ప్రముఖ సంగీత దర్శకుడు ఇళయరాజాకు సుప్రీంకోర్టులో ఎదురుదెబ్బ తగిలింది. ''మూడు పాని'' చిత్రంలోని ''ఎన్ ఇనియ పొన్ నిలవే'' పాట కాపీరైట్‌ వివాదంపై  ఇళయరాజా అప్పీల్‌ చేయగా సుప్రీంకోర్టు నిరాకరించింది. ఈవిషయంలో ఢిల్లీ హైకోర్టు ఇచ్చిన తీర్పులో జోక్యం చేసుకోలేమని జస్టిస్ జె.బి.పార్దివాలా, జస్టిస్ కె.వినోద్ చంద్రన్‌ల ధర్మాసనం తేల్చిచెప్పింది. పాటలోని కేవలం సంగీతంపై మాత్రమే ఇళయరాజాకు హక్కు ఉంటుందని, సాహిత్యం, సౌండ్ రికార్డింగ్‌పై కాపీరైట్ హక్కులు ఆయనకు చెందవని పునరుద్ఘాటించింది.