క్రిస్మస్‌ కానుకగా రిలీజ్‌

నందమూరి బాలకృష్ణ నటిస్తున్న కొత్త మాస్ ఎంటర్‌టైనర్ ‘దాదా’. గోపీచంద్ మలినేని దర్శకత్వంలో వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్నారు. గతంలో ‘వీరసింహారెడ్డి’ వంటి విజయవంతమైన చిత్రాన్ని అందించిన బాలకృష్ణ, గోపీచంద్ మలినేని కాంబినేషన్ కావడంతో ఈ హై వోల్టేజ్ కమర్షియల్ ఎంటర్‌టైనర్‌పై అంచనాలు మరింత పెరిగాయి. దీపావళి శుభాకాంక్షలు తెలియజేస్తూ మేకర్స్ ఓ ప్రత్యేక ప్రకటనతో పాటు కలర్‌ఫుల్ పోస్టర్‌ను విడుదల చేశారు. ఇందులో బాలకృష్ణతో పాటు బాలీవుడ్ నటి నర్గీస్ ఫక్రీ అలరించారు. ఈ పోస్టర్ ద్వారానే సినిమా ఫస్ట్ సింగిల్ టైటిల్‌ను ‘దాదా ధమాకా’గా ప్రకటించారు. ఈ పాటను ఈనెల 13న విడుదల చేయనున్నారు. ఈ చిత్రంలో మంచు మనోజ్, కాజల్ అగర్వాల్ కీలక పాత్రల్లో నటిస్తున్నారు. ఈ చిత్రం డిసెంబర్ 24న గ్రాండ్‌గా థియేటర్లలో విడుదల కానుంది. ఈ సినిమాకి సంగీతం: ఎస్.తమన్, కెమెరా: అరవింద్ ఎస్. కశ్యప్, ఎడిటర్: నవీన్ నూలి, ఆర్ట్‌: ఏఎస్ ప్రకాష్, ఫైట్స్: రామ్-లక్ష్మణ్, రవివర్మ, వి. వెంకట్.