ఆస్ట్రేలియా పర్యటనకు ఇంగ్లండ్‌ జట్టు ప్రకటన

నవతెలంగాణ - హైదరాబాద్ : ఆస్ట్రేలియాతో నవంబర్‌లో జరిగే వన్డే, టీ20 సిరీస్‌లకు ఇంగ్లండ్‌ క్రికెట్‌ బోర్డు (ఈసీబీ) జట్లను ప్రకటించింది. హ్యారీ బ్రూక్‌ సారథ్యంలో రెండు ఫార్మాట్లలో 16 మంది చొప్పున ఆటగాళ్లను ఎంపిక చేసింది. వన్డే జట్టులో జోఫ్రా ఆర్చర్‌కు చోటు దక్కగా, గాయం నుంచి కోలుకున్న జాకబ్‌ బెథెల్‌ రెండు ఫార్మాట్లకు ఎంపికయ్యాడు. యువ ఆటగాళ్లు ఎడీ జాక్‌, థామస్‌ రెలు తొలిసారి టీ20 జట్టులో చోటు సంపాదించారు. సర్జరీ నుంచి కోలుకుంటున్న జోస్‌ బట్లర్‌ ఈ పర్యటనకు దూరమయ్యాడు. నవంబర్‌ 13న తొలి వన్డేతో సిరీస్‌ ప్రారంభం కానుండగా, 21 నుంచి ఐదు టీ20ల సిరీస్‌ జరగనుంది.